رطل فرينة
250غ مرقرين
50غ زبدة ستار
100غ سكر رطب
نصف باكي خميرة
2 صفار بيض ونحتفظ بالبياض
5م ك حليب
م ص فاني
2 م ك نشاء
الحشو:
2كيسان نواد كوكو مرحي
كاس سكر رطب
3م ك كاكاو
2بياض البيض لي كنا احتفظنا بيه من العجينة
كمية من الحليب
للطلاء
شكولة
للتزيين:
عجينة اللوز الاصطناعية
ملون ابيض
لماع فضي
الطريقة:
اولا نحضر ورقة التزيين لي تجي من فوق
اخذ عجينة اللوز الاصطناعية نضيفلها شوية نشاء وكمية من الملون الابيض ونعجنها لازم ماتلصقش في اليد حتى يسهل تشكيلها
فرش النيلون ونرش النشاء ونبسط عجينة اللوز وبالحلال وبواسطة طابع على شكل ورقة نشكل اورراق ثم لوي الورقةوهي طرية وحطيها تبس فوق ورق الزبدة من الاحسن نحضر الاوراق صباحا ونعمل بهم في المساء
الان نحضر العجينة
بواسطة الخلاط الكهربائي نخلط المرقرين+الزبدة+السكر جيدا نضيف صفار البيض +5م ك حليب نحرك ثم نضيف الفرينة والنشاء والخميرة ونلم العجينة دون عجنها
الان نمسح طاولة العمل بقطعة قماش فيها الماء ونفرش النيلون لان كي تكون الطاولة مندية النيلون مايتحركش وهذا يساعدك على العمل
نحط العجينة فوق النيلون بعد نرش السطح بالفرينة ونزيد نرش العجينة من فوق بشوية فرينة نبسطها شوية بالحلال
من بعد نزيد نغطي العجينة بالنيلون ونكمل بسطها بالحلال بشكل مستطيل
الان نحضر الحشو
نخلط النواد كوكو المرحي والسكر الرطب والكاوكاو +بياض 2 بيض لي بقى من العجينة ونبل بالحليب نضيف بالشوية ونحرك لازم يكون الحشو طري حتى يسهل تمديدها فوق العجينة
ننزع النيلون لي من فوق العجينة ونحط الحشو بشكل متناثر
بواسطة سباتولا نمدد الحشو على كل العجينة غير بالعقل
نبدا نلف من الاتجاهين بالتساوي
نستمر في اللف حتى نكمل
بواسطة سكين نقطع العجينة من المنتصف راح نتحصل على زوج حرابش نقطع كل واحد على اثنان نحطهم في بلا مستطيل وندخلهم للثلاجة حتى يتماسكو جيدا لتسهيل عملية التقطيع
من بعد نقطعهم بواسطة سكين حاد بهذا الشكل
ندخلهم للفرن على180درجة كي يطيبو من تحت نشعل عليهم من فوق
بعد الطهي نخليهم يبردو تماما
الان نذوب الشكولة على حمام مائي نضيفلها شوية حليب ونحرك
نغطس الحلوى في الشكولة من فوق ونحطها فوق مشبك
نحط فوق كل حبة حلوى ورقة من عجينة التزيين لي كنا حضرناها قبل وهذا قبل ما تشيح الشكولة
ونزين بالملمع الفضي نحط بشكل مائل
بعد ماتشيح الشكولة نحط الحلوى في ليكسات ونقدمها
